Komisioni i Venecias ka rrëzuar pretendimet e opozitës se ligji i Vettingut ka parregullsi gjatë përkthimit të tij në gjuhën angleze. Mësohet se ky komision ka marrë një vendim paraprak, duke saktësuar se Vettingu është në përputhje me ligjin themeltar të shtetit, ndryshe nga sa pretendonte Partia Demokratike.
Në këtë mënyrë, Venecia konfirmoi zyrtarisht kushtetutshmërinë e ligjit të rivlerësimit të pasurive të prokurorëve dhe gjyqtarëve.
Mësohet po ashtu, se përgjigja përfundimtare është duke u hartuar dhe pritet që të publikohet më datë 9 dhjetor.
Ndërkohë, lidhur me këtë vendim janë vënë në dijeni partitë politike.
Vetting-u është një nga 5 kushtet që ka kërkuar Bashkimi Evropian, për tu arritur deri më 15 dhjetor të këtij viti, kur në mbledhjen e këshillit të Ministrave të BE-së, do të jepet vendimi për hapjen ose jo të çeljes së negociatave me Shqipërinë./tesheshi.com/
