Ndeshja e kthimit të finales së Copa Libertadores midis River Plate dhe Boca Juniors do të luhet më 8 ose 9 dhjetor, por jo në Argjentinë, njoftoi Federata e Futbollit të Amerikës së Jugut (CONMEBOL).
“Ata do të përballen jashtë Argjentinës, sepse nuk ka kushte për të luajtur në Argjentinë”, tha presidenti i CONMEBOL, Alejandro Dominguez në një konferencë shtypi pas takimit me krerët e të dy klubeve në selinë e federatës në Paraguaj.
Tani për tani, nuk dihet se ku do të luhet Superclasico-ja, por një numër qytetesh janë ofruar për të organizuar përballjen – “horror”. Disa prej varianteve që po diskutohen janë kryeqyteti i Paraguait – Asuncion, pastaj Miami, Genoa dhe një numër qytetesh në Brazil dhe Kolumbi.
Ndeshja ishte planifikuar për të shtunën, por ndeshja u shty për shkak të një sulmi mbi autobusin e Boca-s nga tifozeria e River Plate.
Takimi i parë mes tyre ka dalë në barazim 2: 2.
Boca Juniors e River Plate janë dy rivalë të përjetshëm në Argjentinë, ku përballjetb mes tyre shoqërohen nga një atmosferë e tendosur. Kësaj herë qëlloi që ato të përballen dhe për finalen e e Libertadores – Championsi amerikanolatin – gjë që e ka e ka shtuar akoma dhe më shumë adrenalinën e tifozerive. Pun aka shkuar deri atje sa mjekët të këshillojnë ata që kanë probleme me zemrën që të mos shkojnë në stadium, apo që dhe ndeshjen në televizor mundësisht të mos e shikojnë. /tesheshi.com/
