Gjykata Evropiane e Drejtësisë ka dhënë vendimin e saj se UEFA dhe FIFA shkelën ligjin për shkak të Superligës dhe tani ata do të duhet të shikojnë veprimet e tyre të mëtejshme. Mbetet të shihet nëse Barcelona dhe Reali do të vazhdojnë iniciativën për garën e mbyllur të të pasurve. Njoftimin e ka bërë vetë Superliga.
Vendimi nuk do të thotë se do të krijohet një kompeticion i ri, por është një sinjal se klubet që kanë dashur të rebelohen nuk do të ndëshkohen. Reali dhe Barcelona, të cilat shpresonin më së shumti për një epilog të tillë, tani i kanë duart e lira për të ëndërruar dhe për të ndërmarrë hapa të rinj për të përgatitur terrenin për një kompeticion të ri që do të bashkojë më të pasurit.
Gjykata Evropiane në Luksemburg ka vendosur që FIFA dhe UEFA i kanë penguar klubet në mënyrë të paligjshme të themelojnë Superligën, pasi nuk është në përputhje me ligjin kontinental dhe Superliga jep indikacione se me siguri do të agjitojë për historinë e saj.
Bernd Reichart, drejtori ekzekutiv i A22, që përfaqëson interesat e Superligës, është përgjigjur menjëherë.
“Ne fituam të drejtën për të garuar. Monopoli i UEFA-s ka marrë fund. Futbolli është i lirë. Klubet tani janë të lira nga kërcënimet dhe të lira të vendosin për të ardhmen e tyre. Ne u propozojmë tifozëve: Shikim falas të të gjitha ndeshjeve të Superligës! Ne u themi klubeve : Të ardhurat dhe kostot e solidaritetit do të jenë të garantuara”, ka shkruar ai.
Gjithashtu, Bernd paralajmëroi një konferencë të madhe ku do të prezantojë një ofertë të re për futbollin e klubeve evropiane.
Kujtojmë se shumë klube u tërhoqën, si Bayern dhe PSG, si dhe klubet angleze morën menjëherë një “stop” shteti, pasi autoritetet nuk i lejuan të angazhoheshin në eksperimente.
“Dy organizatat e futbollit ‘abuzonin pozitën e tyre dominuese’ kur kishin të bënin me një ligë konkurruese sepse rregullat e tyre nuk ishin transparente, objektive, jodiskriminuese dhe proporcionale,” shtoi gjykata. /tesheshi.com/
