Rovena Voda, ish-zv.ministrja e Brendshme e kapur nga SPAK në një aferë korruptimi, i ka shpëtuar burgut gjithsesi në dhënien e masës së arrestit nga GJKKO, duje vijuar të mbetet në “arrest shtëpie”.
Emri i Rovena Voda lakohet nga dy zonja, njëra prej të cilave është shoqe e ish-zyrtares së lartë, ndërsa tjetra ishte e interesuar që të punësohej medoemos si specialiste në një nga dikasteret, apo që gjithashtu ëndërronte të ishte juriste në Ministrinë e Brendshme.
GJKKO la në “arrest shtëpie” Vodën më 13 korrik, pasi akuzohet se ka përfituar para dhe të mira materiale për të punësuar avokaten Florida Beu, e cila është gjithashtu nën “arrest shtëpiak” së bashku me shoqen e ish-zyrtares, Majlinda Hasanin.
Kjo e fundit ka rolin e ndërmjetëses dhe sipas SPAK rezulton se shfrytëzoi njohjen me Vodën për të hapur një vend pune dhe për këtë arsye ato janë takuar në ministri me këtë të fundit.
Por gjatë konkurrimit ajo u skualifikua teksa më pas shfaqen pakënaqësitë në telefon, ku ajo tregon se kishte paguar 2 mijë euro.
Ndërkohë mësohet se Voda ka mohuar akuzat, duke thënë se “kur të përfundojnë hetimet, do të shikoni që unë nuk kam lidhje me këtë procedim penal”. /tesheshi.com/
