Kolegji i Posaçëm i Apelimit morri vendimin që ish-kreu i akuzës shqiptare, Adriatik Llalla, të mos i nënshtrohet procesit të vettingut.
Ishte Komisioneri Publik që kishte apeluar më parë vendimin duke argumentuar se ish-Kryeprokurori pavarësisht dorëheqjes nga drejtësia, vazhdon të ketë statusin e magjistratit e për këtë arsye dorëheqja e tij nuk rezulton të jetë kryer siç duhet. Për referencë u soll shembulli i dy gjyqtarëve të dorëhequr pranë KLD-së gjatë vettingut.
Por KPA-ja vendosi ndryshe:
“Kolegji i Posaçëm i Apelimit me shumicë votash vendosi: ndërprerjen e procesit të rivlerësimit për Adriatik Llallën.Ndalimin e emërimit të tij, gjyqtar, prokuror apo anëtar i KLD-së për një periudhë prej 15 vitesh”.
Për Adriatik Llallën ka patur aludime të forta për pasurim të paligjshëm gjatë kohës së ushtrimit të postit të Kryeprokurorit, dhe një vetting ndaj tij pritej me interes. Për momentin, ai po jeton në Turqi. /tesheshi.com/
