Qeveria amerikane ka vendosur ta kategorizojë marihuanën si një drogë më pak të rrezikshme, që do të thotë se njerëzit që përdorin ose posedojnë këtë substancë ka të ngjarë të mos shkojnë në burg në të ardhmen.
“Shumë jetë janë kthyer përmbys për shkak të qasjes sonë të dështuar ndaj marihuanës”, ka shkruar presidenti amerikan Joe Biden në Platformën X.
“Sot, Departamenti i Drejtësisë po ndërmerr hapin tjetër për të riklasifikuar marijuanën nga Shtojca I në Shtojcën III sipas ligjit federal.”
Një vendim historik
Drogat klasifikohen në pesë kategori të ndryshme në Shtetet e Bashkuara. Deri më tani, marihuana apo kanabisi ishte në kategorinë e parë dhe për rrjedhojë më të rreptë, ku përfshihet heroina dhe LSD.
Tashmë qeveria amerikane ka kërkuar që në të ardhmen të përfshihet në kategorinë e tretë. Si rezultat, marihuana do të jetë e barabartë me steroidet ose paracetamolin. Mediat amerikane e shënuan atë riklasifikim si historik.
Riklasifikimi njeh përdorimin mjekësor të kanabisit, por nuk ka plane për legalizim të plotë mbarëkombëtar për konsum privat.
Edhe pse marihuana është tashmë e ligjshme për qëllime rekreative dhe mjekësore në më shumë se 20 shtete të SHBA-së dhe vetëm për qëllime mjekësore në më shumë se një duzinë shtete të tjera, ligji federal ende mbetet prapa.
Lëvizja e administratës Biden ka pasoja të gjera për kërkimin dhe taksat, dhe kontribuon në dekriminalizimin e mëtejshëm të kanabisit. /tesheshi.com/
