Më pak orë pune, më shumë produktivitet dhe punonjës të kënaqur. Bëhet fjalë për Zvicrën, ku dita e punës nuk do të jetë më 8 orë por 6 orë. Pas fazës eksperimentale, shumë vende pune, përfshirë edhe klinikat apo shoqëri shumë të zhvilluara i kanë hapur rrugën këtij revolucioni.
Qëllimi është që njerëzit të lejohen të shijojnë jetën e tyre private, për të vlerësuar efektet në rendimentin e punës, rroga ngelet po e njëjta, ndërsa orët mesatare të punës në javë ulen me rreth 10 orë, ndërsa japin një rezultat të paimagjinueshëm.
“Që nga viti 1990 kemi pasur më shumë punë dhe më pak jetë personale. Tek shumë punonjës janë shfaqur shpesh shenja sëmundje prej depresionit dhe ezaurimit në punë. Mungesa e ekuilibrit mes punës dhe jetës personale nuk është e mirë për asnjë”,- deklaron shefi i personelit në qendrën Svartedalens në Gothenburg, Ann-Charlotte Dahlbom Larrson, të cilët kanë qenë ndër të parët që kanë eksperimentuar punën ditore 6 orarëshe.
Në të vërtetë, testi ishte zhvilluar dhe kishte rezultuar i suksesshëm edhe në vitin 2002 në stabilimentet e Toyot-ës në Göteborg, ku punonjësit punuan me dy turne nga gjashtë orë dhe u shprehën tepër të lumtur pasi kishin më shumë mundësi për tu marrë me veten dhe me jetën e tyre personale. Ata kanë pasur rendiment në rritje me 25% në punë.
Përfitimet nga orari i ri i punës janë të shumta, siç konfirmohet edhe nga agjencia automobilistike: “Stafi ndihet më mirë. Është më e thjeshtë të rekrutosh persona të inj. Bëhe përdorimi më efecient i makinerive dhe kostot kapitale janë më të ulëta. Të gjithë janë të kënaqur”.
“Miqtë e m’i kanë zili”,- ka treguar për Guardian Martin Geborg, mekaniku 27 vjeçar i Toyot-as. “Është shumë bukur të mbarosh punën në orën 12. Para se të kisha një familje, më jepej mundësia të shkoja edhe në plazh pas punës. Tani kam mundësinë të kaloj pasditet me fëmijët e m’i”,- shton ai.
Pas Toyota-s, këtë metodë pune e kanë aplikuar edhe kompani të tjera si Filimundus, kompani e zhvillimit të aplikacioneve, me qendër në Stokholm, e cila ka vendosur në funksionim ditën me gjashtë orë pune që prej vitit të shkuar.
“Dita e punës me 8 orë nuk është aq e lehtë sa mund të mendohet”,- shpjegon Linus Feldt, CEO i shoqërisë Fast Company. “Të jesh i përqendruar mbi një detyrë të caktuar për më shumë se 8 orë është një sfidë e madhe. Për të përballuar këtë detyrë të vështirë mundohemi të përziejmë gjërat dhe të bëjmë disa pushime, duke e bërë ditën e punës më të përballueshme. Në të njëjtën kohë, nuk e kemi më aq të vështirë të menaxhojmë jetën tonë private”,- shton ai.
Feldt specifikon se kur iu është prezantuar kjo mënyrë e punës, punëtorëve iu është ndaluar rreptësisht të përdorin rrjetet sociale gjatë orarit të punës, ka pasur më pak mbledhje dhe në fund, grupi i punës rezultoi të ishte më i motivuar dhe ka punuar me më shumë intensitet./tesheshi.com/
