Kryebashkiaku Veliaj duket se i ka dhënë tjetër lëndë Berishës në lidhje “vëllazërinë”, teksa ky i fundit nuk është dakort që Erdogan të në quajë ne, shqiptarëve vëllezër, si të tillë dhe Ramën.
I pari i Tiranës quajti vëlla ambasadorin e Katarit, Ali bin Hamad Al Marri.
“Miku im, por do thosha dhe vëllai im…”, tha Veliaj për diplomatin arab, të vendit të Gjirit, në një event për Botërorin, organizuar pikërisht nga ambasada e Katarit.
Veliaj vlerësoi ambasadorin Ali bin Hamad Al Marri si njeriun që i është gjendur Shqipërisë në çdo moment të vështirë të krizave të fundit, si në pasojat e tërmetit e si në pandemi.
Eventi për Botërorin ishte një lloj feste e organizuar në Parkun Olimpik të Tiranës, ku ambasadori shpalosi arritjen e madhe të vendit të tij për të organizuar një Botëror futbolli, tregues i zhvillimit gjigand e të shumëanshëm të shtetit të Gjirit.
Në event, një ndeshje adoleshentësh Shqipëri-Katar, ishte ndër shfaqjet më të bukura dhe emocionuese. /tesheshi.com/
