Ish-komandanti i UÇK- së, Azem Syla, 11 ditë ditë pasi u lirua nga paraburgimi, i është caktuar nga Gjykata e Apelit masa e arrestit shtëpiak. Këtë e ka konfirmuar zëdhënësi i kësaj gjykate, Arbër Jashari, për mediat kosovare duke thënë se Syla nuk mund të dalë nga shtëpia pa vendim tjetër të gjykatës.
Sipas tij forcat e rendit do të kontrollojnë nëse ish-deputeti i PDK-së po zbaton urdhrin e gjykatës.
Azem Syla i njohur në luftë me nofkën “Daja”, akuzohet për tjetërsim të pronave shoqërore në rastin “Toka”.
Këtë rast do ta gjykojë gjyqtari Beqir Kalludra, që dënoi me mbi 21 vjet burg vetëvendosësit për sulmin ndaj Kuvendit të Kosovës.
Kujtojmë se Syla u lirua më 12 mars nga paraburgimi, pasi EULEX-i hoqi dorë nga gjykimi i tij dhe të tjerëve, duke ua lënë rastin vendorëve. /tesheshi.com/
