Admiral Scott Stearney, i cili drejtonte Marinën amerikane në Lindjen e Mesme, u gjet i vdekur në banesën e tij në Bahrein, njoftuan zyrtarët.
Autoritetet hetuese detare po bashkëpunojnë me Ministrinë e Brendshme të Bahreinit për të gjetur arsyet e kësaj vdekjeje, e cila merr njeriun kryesor të Pentagonit në zonën më të nxehtë të botës.
“Kjo është një ditë e trishtuar për familjen Stearney dhe për të gjithë marinën. Scott Stearney ishte një luftëtar, një ushtarak me merita, një burrë e familjar i përkushtuar, një mik të mire i të gjithëve”, tha admirali John Richardson.
Stearney ishte komandant i Flotës së Pestë të Marinës së SHBA, i cili ishte përgjegjës për patrullimin e Gjirit, në Detin e Kuq, kalimin e Hormuzit, Detin Arabik dhe pjesë të Oqeanit Indian.
Në vitet e fundit flota është përballur me kërcënimin e mundshëm të piratëve dhe kontrabandistëve të armëve, nga anijet iraniane të Gardës Revolucionare, si dhe nga raketat e rebelëve Houthi në Jemen.
Stearney iu bashkua Marinës në vitin 1982 dhe dy vjet më vonë u bë pilot.
Ai pati një angazhim në Afganistan dhe për një kohë ai punoi si trajnues.
Ai u zgjodh komandant i Flotës së Pestë në maj të këtij viti. /tesheshi.com/
