Ka ndërruar jetë në moshën 94-vjeçare i fundmi i hebrenjve që luftoi me nazistët gjatë një rebelimi në të ashtuquajturën Geto e Varshavës në vitin 1943.
Ai është Simcha Rotem, i njohur më mirë me pseudonimin Kazik. Ai ishte në midis rebelëve që ndërmorrën një rezistencë të organizuar ndaj Holokaustit.
Rotem vdiq pas një sëmundjeje të gjatë, ndërkohë që përgjatë Holokaustit ndihmoi luftëtarët e mbijetuar që të mund të iknin nga getoja nëpërmjet tuneleve të kanalizimeve, raporton AP.
Megjithëse dështoi, kryengritja në Geton e Varshavës simbolizonte rezistencën ndaj nënshtrimit ndaj krimeve naziste dhe frymëzoi fushata të tjera rezistence.
Hebrenjtë luftuan për gati një muaj, duke u mbyllur në bunkerë. Ata vranë 16 nazistët dhe plagosën gati 100 prej tyre. /tesheshi.com/
