Torben Ulrich, babai i bateristit të Metallica, Lars Ulrich, ka vdekur në moshën 95-vjeçare.
Lajmin e bëri të ditur Lars në Instagram të mërkurën, më 20 dhjetor.
Ai ka postuar disa foto me të atin dhe ka shkruar:
“Torben Ulrich: 1928-2023. 95 vjet aventura, eksperienca unike, kuriozitet, shtyrje kufijsh, sfidë e status quo-së, tenis, muzikë, art, shkrim… dhe një dozë mjaft e mirë e qëndrimit danez. Faleminderit shumë! Të dua babi.” Shkaku i vdekjes nuk u dha.
Torben, një yll tenisi dhe tekstshkrues xhazi, u bë i famshëm në mesin e fansave të Metallica-s përmes paraqitjes së tij në dokumentarin e grupit të vitit 2004, “Some Kind of Monster”, sipas San Francisco Chronicle. /tesheshi.com/
