Prokurorët argjentinas kanë vendosur të hetojnë rrethanat e vdekjes së yllit të futbollit Diego Maradona dhe urdhëruan që shtëpia e mjekut të tij personal të kontrollohet, njoftoi zyra e prokurorit lokal.
Maradona vdiq të mërkurën në moshën 60 vjeç nga një sulm në zemër. Urdhri i kërkimit u dha nga prokurorët nga rrethina e pasur e Buenos Aires, San Isidra dhe u nënshkrua nga një gjykatës vendas, sipas një deklarate nga prokuroria.
“Dje, të shtunën, ne vazhduam të hetojmë dhe të mbledhim prova. Ne vazhdojmë të marrim deklarata nga një numër personash, përfshirë të afërmit e të ndjerit,” tha deklarata.
“Pasi të dhënat dhe provat u mblodhën, zyra e prokurorit vendor e konsideroi të nevojshme të kontrollonte shtëpinë dhe zyrën e mjekut Leopold Luque,” tha zyra e prokurorit në një deklaratë, e cila nuk tregonte se çfarë e shtyu hetimin.Avokati i Maradonas, Matias Moria tha të enjten se ai do të kërkonte një hetim të plotë në rrethanat në të cilat vdiq Diegoja, duke kritikuar, siç tha ai, reagimin e ngadaltë të shërbimit të urgjencës, i cili zgjati më shumë se gjysmë ore për të arritur futbollistin e famshëm. /tesheshi.com/
