Së fundi, është angazhuar dhe vetë kreu i shtetit shqiptar, në çështjen e vdekjes së 38-vjeçarit lezhian, Pëllumb Marnikolli, në një komisariat policie të Athinës.
Siç bëhet me dije, presidenti Nishani pritet të thërrasë në një takim pune Kryeprokurorin dhe kreun e Drejtësisë për t’u informuar rreth hapave të ndërmarrë dhe për ndjekjen deri në zbardhjen e kësaj ngjarje. Kjo pasi kanë qenë.
Sipas Top Channel, një përfaqësues i Kabinetit të Presidentit ka kontaktuar dhe takuar familjarët e të ndjerit, ku pasi i ka shprehur ngushëllimet, është informuar prej tyre mbi ngjarjen duke i kërkuar dhe zbardhjen e saj.
Çështja e të ndjerit Marnikolli është bërë “e ditës”, duke përfshirë në debat edhe politikën. Opozita i kërkoi qeverisë që të angazhohet në zbardhjen e rastit, ndërsa kjo e fundit ka bërë publike hapat e ndërmarrë zyrtarisht.
Versioni i autoriteteve greke është se shqiptari u vetëhodh nga kati i katërt i komisariatit, ndërsa të njohur e familjarë të të ndjerit, pretendojnë se ai ka gjetur vdekjen pas keqtrajtimit nga autoritetet policore greke. /tesheshi.com/
