Vijon riti kriminal i djegjes së veturave të zyrtarëve të shtetit në Kosovës, i ngjashëm me fushatat e shpërthimeve me tritol pak kohë më parë në Shqipëri.
Por ndërsa policia shqiptare arriti të kapë ndonjë autor, sië qe rasti i shpërthimit në farmacinë e të atit të ministrit të Rendit, Saimir Tahiri, në Kosovë ende nuk është kapur askush si autor i mundshëm zjarrëvëniesh automjetesh.
Orët e fundi, është djegur vetura e prokurorit të Prokurorisë Speciale Ali Rexha. Ngjarja ka ndodhur pas orës 22:00 të së mërkurës në qendër të Mitrovicës, afër banesës së tij.
Dhe po kështu, janë djegur edhe dy vetura të tjera zyrtare, njëra në Gjilan në oborrin e Gjykatës Themelore dhe tjetra në qytetin e Ferizajt.
Javë më parë është djegur edhe një veturë e LDK-së në parkingun e banesës së sekretarit të kësaj partie, Ismet Beqiri.
Ndërkohë viktima të djegies së veturave kanë qenë edhe bashkëshortet e ministrave dhe zëvendësministrave.
Për të gjitha rastet, Policia e Kosovës është mjaftuar të thotë se kanë “nisur hetimet”. /tesheshi.com/
