“Likuiditeti i Greqisë po mbaron”,- ka thënë Ministri grek i Financave, Yanis Varoufakis, në kuadër të punëve të Fondit Monetar Ndërkombëtar. “Greqia nuk është duke luajtur me daljen nga euro”, ka saktësuar përfaqësuesi i qeverisë helene, i cili shpreson për arritjen e një marrëveshje deri në fund të qershorit.
Ministri ka cituar fjalimin e tij në Uashington, ku ka thënë se do të pranojnë të gjitha kushtet, në rast se ato kanë kuptim. Varoufakis më pas ka treguar me krenari se çfarë ka bërë vendi i tij për të arritur stabilimentin ekonomik.
“Greqia është kampione në kthimin në gjendjen e mëparshme të bilancit. Dimri ynë i pakënaqësisë zgjat prej shtatë vitesh. Europa në fakt, duhet ta pranojë se programi i saj vetëm sa e ka përkeqësuar situatën”,- ka thënë ministri grek.
Ai ka ftuar kreditorët të marrin parasysh se plani i shpëtimit ka dështuar ndërsa ka thënë se nuk mund të nënshkruajë një marrëveshje për borxhin ekonomik, e cila nuk do të zgjidhë problemet e vendit. “Nuk do të pranojmë objektiva që ekonomia jonë nuk mund ti arrijë”,- ka thënë Varuofakis. /tesheshi.com/
