Me temperaturat e larta të verës, problemi i djersitjes së tepërt është i pranishëm thuajse tek të gjithë. Por si mund të veprohet për të mbajtur nën kontroll këtë problem?
Përveç deodorantëve ka edhe mënyra të tjera, për të kaluar ditën pa siklet. Në mesin e tyre regjimi ushqimor luan një rol të rëndësishëm, ndaj këshillohet që të evitohen ushqimet e rënda, si të skuqurat, ato pikante dhe me shumë sheqer. Shtoni sa më shumë fruta dhe perime, si dhe pini shumë ujë.
Bëni kujdes edhe ndaj rrobave që vishni, këshillohet të përdorni pambuk dhe lino, ndërsa eliminoni plotësisht materialet sintetike.
Nëse djersitni me tepri, është mirë të laheni disa herë në ditë në mënyrë që të ndiheni të freskët dhe më tej thahuni mirë.
Mund t’ju duket e çuditshme, por nëse hidhni një filxhan me lëng domateje në vaskën e banjës, mund të luftoni djersitjen e tepërt. Qëndroni në këtë ujë për 15 minuta, ndërsa më pas shpëlahuni me ujë normal.
Edhe stresi mund t’ju djersijë, ndaj mundohuni të shmangni sa më shumë situatat e ankthit dhe nervozizmit. /tesheshi.com/
