“Për mua Liverpool është një klub fantastik, sepse kam fituar çdo ndeshje kundër tyre”, deklaroi kështu Luis Van Gaal, trajneri i Manchester United. “Djajtë” fituan derbin e Anglisë më lehtë seç pritej, ndërkohë për teknikun holandez është kënaqësi të luash ndaj Liverpoolit pasi i ka mposhtu në katër duele aq sa i ka zhvilluar kundër tyre.
Tashmë Luis Van Gaal mund të konsiderohet “i veçanti” në ishull pas deklaratat e tij thumbuese ndaj rivalëve të tij. Së fundmi tekniku i Manchester United ka ironizuar me skuadrën e Liverpoolit duke thënë se më vështirë e kanë të luajnë ndaj skuadrave mesatare si Swansea se ndaj redsave.
“Ne kemi mposhtur Liverpoolin në katër duelet e fundit, aq sa i kemi zhvilluar. Do të doja që të gjitha sfidat të ishin si përballjet me Liverpoolin. Tashmë duhet të mësohemi të luajmë përballë Swanseas e skuadrave të tilla mesatare pasi ato po na shkaktojnë më shumë problem”, deklaroi Van Gaal pas ndeshjes.
/tesheshi.com/
