Ernesto Valverde është njeriu që gjendet më pranë stolit të Barcelonës, si zëvendësuesi më i mundshëm i Luis Enrique-s.
Këtë e përforcon më shumë pohimi i Atletik Bilbaos se trajneri i saj po largohet.
“Ernesto Valverde nuk do të vazhdojë si trajner i ekipit të parë të klubit të Atletik Bilbaos në sezonin 2017-2018,” thuhet në një njoftim të shkurtër të klubit bask.
Valverde dhe presidenti i Bilbaos do të mbajnë një konferencë shtypi mesditën e kësaj të mërkure.
Caktimi i trajnerit të ri të katalanasve do të bëhet pas finales të shtunës së Kupës së Mbretit. Presidenti i Barcelonës, Josep Maria Bartomeu, pritet të mbledhë bordin drejtues të klubit të hënën e ardhshme dhe të miratojë ardhjen e Valverde-s në vend të Luis Enrique-s.
Valverde ka drejtuar më herët dhe Espanjolin, Olimpiakosin, Vilarealin dhe Valencian. /tesheshi.com/
