Në kampionatin spanjoll të futbollit, Barcelona e Valverdes, pak po konkurohet nga rivali historik Reali i Madridit, apo nga Atletiko e Madridit.
Katalanasit janë shkëputur tashnë 10 pikë prej këtyre skuadrave dhe vështirë se kanë ndërmen të humbin këtë sezon.
Por në Spanjë ka edhe një skuadër tjetër që po ravijëzohet javë pas jave, si rivale e Barcelonës, ajo është Valencia.
Ashtu si Barça, edhe Valencia nuk ka asnjë humbje këtë sezon dhe ka një golavarazh plus 21 gola. Pavarësisht mungesës së yjeve të shtrenjtë, Valencia ka krijuar një grup lojtarësh që luajnë në mënyrë kompakte dhe me shumë presing në fushë.
Të dielën ata fituan 0-2 në fushën e Espanjol, duke e bërë 4 pikë diferencën me Barcelonën.
Golat e të rilindurit Geofrey Kongdobia dhe talentit Santi Mina, i dhanë trepikëshin e radhës Valencias, duke e shkëputur atë 6 pikë nga Reali i Madridit.
E tashmë që madrilenët ndodhen prapa, në Barcelonë po ndjekin me vëmendje, ecurinë e “Hirushes” së La Ligës. /tesheshi.com/
