Në Karaçi, në qytetin më të madh të Pakistanit, dhe në rajone të tjera të provincës së Sindit kanë vdekur më e pakta 136 njerëz që nga e shtuna për shkak të një vale të nxehti që ka goditur vendin.
E shtuna ishte dita më e nxehtë në Karaçi, teksa termometri shënoi 45 gradë celcius, ndërsa temperaturat shkuan në 48 gradë në ca pjesë të Sindit.
Autoritetet qeverisëse kanë shpallur gjendjen e jashtëzakonshme në të tëra spitalet, kanë anuluar lejet për mjekët dhe për personelin tjetër, si dhe kanë shtuar furnizimet me ilaçe.
Vdekjet janë shënuar që të shtunën, e pjesa dërrmuese kanë humbur jetën nga goditja e të nxehtit. Meteorologët pakistanezë parashikojnë ulje të temperaturave në ditët në vijim, por mjekët këshillojnë shmangien e daljes në diell dhe veshjen e rrobave të lehta.
Temperaturat e larta u shoqëruan në Karaçi me ndërprerje të energjisë elektrike, gjë që solli dhe protesta.
Kryeministri i vendit, Navaz Sharif, i ka paralajmëruar kompanitë e furnizimit me energji elektrike se nuk do të tolerojë ndërprerje të energjisë gjatë muajit të ramazanit.
Universiteti i Karaçit i shtyu për më së paku një muaj provimet, gjersa i nxehti të kthehet në temperaturat normale.
Qyteti-port jugor i Karaçit qe goditur dhe në 1979-n nga një valë të nxehti, me temperatura që vajtën 47 gradë në muajin qershor, por rekordi ka qenë më 9 maj 1938, kur termometri shënoi 48 gradë. /tesheshi.com/
