Vajza e presidentit amerikan, Donald Trump, Ivanka mbërriti në Berlin për të marrë pjesë në samitin e grave të G20, në udhëtimin e saj të parë ndërkombëtar të punës që nga marrja e detyrës së lartë prej babait të saj.
E ashtuquajtura “Vajza e Parë” do të marrë pjesë në një panel diskutimi për sipërmarrjen e grave së bashku me kancelaren gjermane, Angela Merkel.
Merkel e kishte ftuar Ivankën gjatë një udhëtimi në Uashington, muajin e kaluar, por mbetet e paqartë se çfarë roli ka Ivanka brenda Shtëpisë së Bardhë të Donald Trump.
Së bashku me bashkëshortin, Jared Kushner shihen si persona me ndikim, por sidoqoftë, gazeta gjermane “ Berliner Zeitung” tha se zyrtarët shpresonin që “vajza e presidentit të përcillte imazh pozitiv nga Gjermania tek babai i saj, nga përshtypjet e udhëtimit në këtë vend”. /tesheshi.com/
