Martina është më e fortë se sëmundja e saj. Në moshën 3-vjeçare vajza nga Napoli është prekur nga një tumor në tru dhe ka arritur ta mundë, por neoplazia i ka lodhur shumë zemrën.
Prej 12muajsh e vogla është shtruar në spital, në pritje të një ndërhyrjeje kirurgjike, e treta e e nevojshme dhe që mund të realizohet vetëm nëse ka ndonjë dhurues organi. Vajza tani mbahet në jetë nga një zemër artificiale.
Nëna e saj, Francesca Esposito, edukatore në një kopsht, ka nisur të mbajë një ditar për të bijën.
“Jemi duke pritur diçka të paparashikueshme. Çdo ditë ndërtojmë ura qetësie për të mbajtur larg frikën, pikëpyetjet, mendimet që janë si muret, ndonjëherë edhe të pathyeshme. Shpresa e dhurimit do të shpëtojë jetën e Martinës. Madje do të shpëtojë familjen tone”, – shkruan e ëma. /tesheshi.com/
