Nëse doni të keni një lëkurë të fytyrës të bukur dhe të pastër, është shumë e rëndësishme që ta lani fytyrën çdo ditë dhe me produktet e duhura. Disa pastrues fytyre nuk janë të përshtatshëm për të gjitha llojet e lëkurave ndaj shpesh lëkura bëhet e ndjeshme dhe skuqet pas përdorimit të këtyre produkteve.
Herën tjetër që të blini një pastrues për fytyrën, lexoni më parë llojet e përbërësve që përmban pastruesi, për të parë se nga çfarë kimikatesh janë ato të përbërë.
Ose mund të zgjidhni një mënyrë më efektive dhe më pak të kushtueshme.
Ky pastrues natyral i krijuar në shtëpi përgatitet nga dy përbërës të thjeshtë që janë vaji i kokosit dhe soda e bukës. Përziejini ata mirë dhe më pas masazhoni lehtësisht fytyrën tuaj. Këshillohet të përdorni lëvizjet rrethore. Mund ta lini përbërjen për disa minuta si një maskë për fytyrën dhe më pas ta lani me ujë gjysmë të ngrohtë.
Pasi të aplikoni këtë trajtim, lëkura e fytyrës tuaj do të jetë më e pastër dhe më e butë.
Kjo përbërje mund të përdoret për çdo lloj lëkure dhe në çdo kohë. Dy përbërësit janë tërësisht natyralë dhe efektet e tyre janë me të vërtetë të kënaqshme. /tesheshi.com/
