Mjekët thonë se aktivitet fizike nuk luajnë gati fare rol në zgjidhjen e problemit të mbipeshës dhe se në vend të kësaj mesazhet që i drejtohen publikut lidhur me shëndetin, duhet të përqendrohen më së shumti në të ngrënit e shëndetshëm.
Në një artiukull në British Journal of Sports Medicine, tre ekspertë ndërkombëtarë thanë se ishte koha që “të thyhet miti” i ushtrimeve fizike.
Ata thanë se aktivitetet fizike luajnë rol kyç në mënjanimin e sëmundjeve siç është diabeti, sëmundjet e zemrës dhe sëmundja e dementias, ndërkaq ndikimi i tyre te mbipesha është minimal.
Ata thanë se në vend të kësaj rol kyç luajnë përdorimi sa më i madh i sheqerit dhe karbohidrateve.
Ekspertët, përfshirë kardiologun londonez Dr. Aseem Malhotra, i kanë vënë fajin industrisë së ushqimit që i kanë nxitur njerëzit të besojnë se ushtrimet fizike e parandalojnë efektin e të ngrënit jo të shëndetshëm.
Ata thanë se ka dëshmi se deri në 40% të personave me peshë normale, përkundër kësaj, zhvillojnë abnormalitete të dëmshme metabolike që zakonisht ndërlidhen me mbipeshën.
“Personat me mbipeshë s’kanë nevojë të bëjnë as edhe një ushtrim të vetëm për të rënë në peshë. Ata thjesht duhet të hanë më pak. Kjo është tërësisht joshkencore dhe e gabuar. Nuk mund ta mundësh një dietë jo të shëndetshme me ushtrime fizike.“ thotë Dr. Malhotra.
Mirëpo, të tjerët thanë se është e rrezikshme të thuhet se ushtrimet nuk luajnë rol. Profesor Mark Baker, i Institutit Kombëtar të Përsosurisë së Shëndetit dhe Kujdesit, i cili rekomandon “dieta të ekuilibruara mirë të kombinuara me aktivitete fizike” tha se është “idiotësi” të thuhet se aktivitetet fizike nuk kanë kurrfarë rëndësie.
