Një sulmi në Gaza, në cilin u vranë nëntë anëtarë të një familjeje, u krye gabimisht – tha ushtria izraelite, duke pranuar “gabimin” e vet.
Sulmet ajrore u zhvilluan në 14 nëntor dhe shtëpia e Rasmi Abu Malhous, një punonjës i Autoritetit Palestinez në Gaza dhe vëllait të tij Mohamed ishin në shënjtestër.
Në sulmin ndaj tyre u vranë nëntë anëtarë të së njëjtës familje, pesë prej të cilëve ishin fëmijë.
Ata ishin mes 34 viktimave palestineze të vrarë në sulmet ajrore të Izraelit në Rripin e Gazës gjatë një shkëmbimi dy-ditor të zjarrit midis Izraelit dhe grupit të Xhihadit Islamik.
Raketat nga Rripi i Gazës në shënjestra në Izrael kanë plagosur të paktën 63 njerëz.
Ushtria izraelite tha se ajo kishte në shënjestër shtëpinë e një komandanti ushtarak që i përkiste grupit të Xhihadit Islam, të cilin familja e viktimave e mohoi.
Ushtria thotë se të dhënat u mblodhën nga shërbimi i inteligjencës, i cili përcaktoi shtëpinë si “objekt ushtarak të organizatës së Xhihadit Islam”.
Ushtria gjithashtu “vlerësoi” se “civilët nuk do të kërcënoheshin gjatë sulmit” ndaj një shtëpie për të cilën besohej se civilët nuk ishin të pranishëm.
Sidoqoftë, një hetim i mëpasshëm zbuloi se ai nuk ishte një strukturë e mbyllur dhe se, në të vërtetë përmbante civilë.
Ushtria izraelite ka njoftuar se do të mësojë nga “gabimet” e saj për të zvogëluar gjasat e ngjarjeve të ngjashme. /tesheshi.com/
