Ushtria amerikane hyn për herë të parë në Serbi dhe zgjedh Preshevën për të shkelur, si për të dhënë një mesazh të fuqishëm ndaj Moskës, e cila do të zhvillojë së shpejti stërvijen “Vëllazëria Sllave” së bashku me Serbinë dhe Bjellorusinë në kufi me Kroacinë.
Trupat e SHBA kanë kaluar kufirin e Kosovës dhe kanë hyrë në Preshevë, si pjesë e një marrëveshje mes qeverisë serbe të Aleksandër Vuçiqit dhe Pentagonit, gati një vit më parë.
Siç njofton Presheva Jonë, trupat e Gardës Kombëtare të Ohios, kanë ndërmarrë misione humanitare në fshatrat Caralevë të komunës Preshevë dhe në Bujanoc.
Një mision i përbërë kryesisht nga mjekë infeksionistë ushtarake, janë instaluar në zonën e Dobrosinit duke bërë vizita falas dhe diagnostikime në popullsinë shqiptare të Preshevës, e cila nuk përfiton shërbimin shëndetësor si e drejtë universale.
Në ekipet mjekësore të ushtrisë amerikane marrin pjesë edhe doktorë militarë serbë. Misioni humanitar po bën depistimin e fshatrave larg qendrave ku ndodhen spitalet, si Presheva e Bujanoci.
Në ekipin ushtarak ka nga të gjitha specialitetet: mjekë të përgjithshëm, pediatër, gjinekologë, dermatologë, infektologë, stomatologë etj.
Gjithashtu në ekip do të ketë edhe veterinerë për të parandaluar sëmundjet e rënda që transmetohet nga kafshët shtëpiake, por edhe ato të pyllit si rriqna, e cila shkakton të tmerrshmet “ethe hemoragjike” që bëjnë kërdinë ne trevat e Luginës.
Është parashikuar që asistenca mjekësore të funksionojë nga ora 09.00 deri në 16.00, ku çdo qytetar mund të shkojë në ambjentet e caktuara për vizitat mjeksore.
Në këtë mision marrin pjesë 61 mjekë, 31 ushtarakë serbë dhe 26 pjesëtarë të të Gardës Kombëtare të Ohajos nga SHBA.
Të gjithë mjekët amerikanë do të jenë pa armë por me uniformë. /tesheshi.com/
