Që nga spinaqi te çokollata e zezë, gjeli i detit, peshku salmon, supa me drithëra, dhe një sërë ushqimesh të tjera, bëjnë pjesë në dietën antistres, e cila përmirëson humorin.
Ka një sërë studimesh shkencore që provojnë efektet antistres të disa ushqimeve, sidomos ato që përmbajnë serotoninë, molekulën që përmirëson humorin.
Mund ta nisni vaktin me një pjatë sallatë me jeshillëqe. Spinaqi është shumë i mirë pasi përmban folate, vitamina të grupit B, të cilat organizmi i përdor për të prodhuar molekulën e kënaqësisë, shpjegon studiuesja amerikane Heather Mangieri, e Academy of Nutrition and Dietetics në një intervistë për revistën “Health”.
Një racion gjel deti është shumë i mirë për të mposhtur stresin pasi përmban triptofan, molekulë që përmirëson humorin.
Një studim i publikuar në revistën shkencore “Journal of Psychiatry and Neuroscience”, tregon se një gramë triptofan tre herë në ditë, redukton agresivitetin dhe acarimin, si dhe stimulon qetësinë.
Shumë i mirë është edhe peshku salmon, ose toni, për shkak të yndyrave omega-3, çka bën që të reduktojë deri në 20% nivelin e ankthit tek njerëzit, shkruan noa.al.
Mund të zgjidhni edhe produkte integrale, si buka, makaronat, ose tërshërë, pasi ato ndihmojnë për të prodhuar serotoninë. Në fund mund të shijoni dhe një ëmbëlsirë, e cila mund të jetë çokollata e zezë, e cila ul nivelin e stresit si dhe relakson venat e gjakut, duke normalizuar presonin e tij./tesheshi.com/
