Ushqejnë fëmijën 2 vjeç me dietë vegjetariane, përfundojnë me urgjencë në spital

Ndërsa i është nënshtruar një diete vegjetariane, një fëmijë i moshës 2 vjeçe është shtruar me urgjencë në spitalin San Martino të Bellunos në Itali, në gjendje të rëndë shëndetësore. Prindërit, të cilët kishin ushqyer fëmijën vetëm me ushqime bimore, duke e privuar nga ato me origjinë shtazore, e kanë çuar të voglin në spital ku u kurua me një terapi të veçantë për të kontraktuar dëmet e një diete të gabuar ushqimore, në një moshë shumë të re.

“Dieta vegjetariane nuk këshillohet të konsumohet nga fëmijët në vitin e parë dhe të dytë të jetës”,- ka thënë shefi i pediatrisë në San Martino, Luigi Memo. “Mungesa totale e elementëve të rëndësishëm për rritjen e fëmijëve mund të krijojë çrregullime të mëdha. Mungesa e vitaminës B12, për shembull, mund të sjellë probleme neurologjike të konsiderueshme. Ata që duan të rrisin dhe ushqejnë fëmijët me dieta vegjetariane duhet të zgjedhin moshën e duhur dhe gjithmonë të këshillohen me një dietolog”,- shton mjeku pediatër.

Ky nuk është një rast i izoluar. Në korrik, një fëmijë i moshës 1 vjeçare u shtrua në spitalin Mayer në Firence të Italisë në kishtet e denutrifikimit dhe prindërit, të dy vegjetarianë, u akuzuan për keqtrajtim të fëmijës./tesheshi.com/