Në urimet për 7 Marsin, krerët kryesorë kanë bërë diferencën në urime.
Rama ka zgjedhur të citojë Konfucin, në kuadër kjo dhe të promovimit të urtësisë botërore siç bën për çdo mëngjes, i cili ka thënë: “Vlera e mësuesit dhe pesha e qiellit nuk maten kurrë”.
Presidenti Meta, nuk u ka shpëtuar etheve të forta politike nga ta cilat “po vuan” këto kohë.
“Faleminderit edhe të gjithë mësuesve, pedagogëve e profesorëve të nderuar që së bashku me ajkën e elitës së intelektualëve shqiptarë janë vënë sot në ballë të PRANVERËS KUQEZI!”, shkruan Meta, duke pretenduar pra se e ka pas arsimdhënien në kauzat e tij “anti-puçiste.
Ndërsa Basha është treguar shumë romantik e pak politik.
“Është kaq e natyrshme që çdo 7 mars sjell ndër mendje mësuesen e klasës së parë. Dhe po kështu të çdo mësuesi dhe pedagogu që ka qenë pjesë e jetës dhe e dijes në çdo hap që kemi hedhur si nxënës dhe studentë.
Ndaj sot dua t’ju uroj nga zemra festën të gjithë arsimtarëve në Shqipëri, të gjithë mësuesve që përtej çdo vështirësie janë përçuesit e përkushtuar dhe të pazëvendësueshëm të dijes tek fëmijët dhe të rinjtë tanë.
Për lodhjen e përditshme, kushtet shumë herë të pafavorshme të mësimdhënies dhe dinjitetit njerëzor, ata meritojnë të festojnë sot 7 marsin me urimin, shpresën dhe premtimin se ditë më të mira do të vinë për arsimtarët tanë”, shkruan Basha. /tesheshi.com/
