Caroline Nordengrip, ish-ambasadore suedeze, ka njoftuar në rrjetet sociale se pas një procesi të gjatë ka nënshkruar një kontratë me ushtrinë ukrainase.
Pas përhapjes së këtij lajmi nga mediat suedeze, Nordengrip ka hyrë në rrjetet sociale dhe ka falënderuar të gjithë ata që e kanë uruar për këtë vendim të guximshëm.
“Mendoni nëse ka diçka edhe të vogël që mund të bëni për Ukrainën dhe t’i ndihmoni. Lavdi Ukrainës”, shkroi ajo në profilin e saj në Instagram.
Siç ka bërë të ditur në njoftimin e saj, ajo do të udhëtojë zyrtarisht në Ukrainë para fundit të muajit, ku do të bëhet zyrtarisht pjesë e Forcave të Armatosura të Ukrainës.
“Kam marrë një ofertë tashmë në nëntor pasi mbaroi periudha e provës, por duhet pak kohë që të gjitha letrat të jenë gati dhe të kryhen verifikimet e sigurisë si dhe pjesa tjetër e burokracisë.
Pastaj është D-Day, koha për të filluar udhëtimin për në vendin ku do të regjistrohem në ushtrinë ukrainase dhe do të shkoj në front si ushtar para fundit të muajit”, shtoi ajo në postim.
Ish-ambasadorja do të shërbejë në brigadën e 47-të të mekanizuar, pasi duket qartë se po përgatitet për të shkuar në front, ndonëse 15 vitet e fundit e ka lidhur jetën ekskluzivisht me politikën në vendlindje.
Nordengrip nuk e fshehu faktin se ishte e indinjuar nga “lufta e panevojshme” në Ukrainë dhe u zotua t’u japë njerëzve më shumë informacion për ngjarjet në Ukrainë. /tesheshi.com/
