Kulmi i shpërthimit të COVID-19 në Kinë ka përfunduar, tha të enjten një zëdhënës i Komisionit Kombëtar të Shëndetësisë.
Ky lajm u etiketua si “urgjent” nga Xinhua.
Më shumë se 126,000 njerëz janë infektuar me koronavirusi në të gjithë botën, ndërsa 4,624 kanë vdekur.
Kuba, Hondurasi dhe Bregu i Fildishtë kanë raportuar rastet e para të të infektuarve, me Bullgarinë, Irlandën, Suedinë Indonezinë dhe Greqinë që patën gjithashtu viktimat e para.
Shumica e të infektuarve janë akoma në Kinë, me virusin e regjistruar në 122 vende të botës.
Në Kinë, sipas një tabelë të publikuar nga Reuters, janë konfirmuar 80,778 raste, me 3.169 njerëz të vdekur.
Në Evropë, “Kina” e kontinentit është në Itali, me 12 462 raste dhe 827 viktima të regjistruara.
Pasohet nga Irani me 9,000 raste dhe 354 viktima, Koreja e Jugut me 7,755 raste dhe 61 viktima, Spanja me 2,277 raste dhe 55 viktima, Franca me 2,281 raste dhe 48 viktima, Gjermania me 1.966 raste dhe 3 viktima, SHBA me 1.281 raste dhe 38 viktima. Japonia me 1.335 raste dhe 17 viktima.
Shqipëria, siç e dimë ka 15 raste dhe një viktimë, kjo e fundit një grua 78-vjeçare. Ndërsa Kosova mbetet ende e paprekur. /tesheshi.com/
