Erëra të forta po godasin ishujt në jug të Florida-s, ndërkohë që uragani Irma pritet të mbërrijë në orët që po vijnë, njofton BBC.
Nivelet e ujit po rriten në brigjet e shtetit amerikan, ku pritet një stuhi e fuqishme. Rreth 6.3 milionë njerëzve u është kërkuar të evakuohen, por guvernatori i shtetit tha të shtunën se tani ishte tepër vonë për të ikur.
Të paktën 24 persona kanë vdekur pasi uragani Irma goditi ishujt në Karaibe.
Uragani u bë i kategorisë së katërt në orët e para të mëngjesit, me erëra maksimale të qëndrueshme 209 km/orë.
Ato po i drejtohen Floridës së jugut, pasi kaluan në verilindje të Kubës natën e së premtes.
Qëndra Kombetare e Uraganeve paralajmëroi një fuqizim të stuhisë që përbën kërcënim për jetën në Florida Keys – një zinxhir ishujsh në jug – si dhe në bregun perëndimor të Floridas. /tesheshi.com/
