Rektori i Universitetit të Prishtinës “Hasan Prishtina”, Marjan Demaj, ka reaguar pas vendimit të Gjykatës së Apelit e cila ka tërhequr padinë e UP-së për kthimin e pronësisë së tokës ku gjendet kisha “Sveti Nikolla”.
Demaj thotë se asnjëherë dhe me asnjë kusht nuk do të heqin dorë nga kthimi i pronave të saj qoftë ato të uzurpuara apo ato të marra nga ish sistemi i Millosheviqit. Ai tha se pas kësaj do të mbahet Këshilli Drejtues dhe në atë mbledhje do të përpilohet plani se si të veprohet.
Demaj theksoi gjitahshtu se ka shumë prona që i janë marrë Universitetit, e jo vetëm këto 4 hektarë.
Kurse sekretari i UP-së, Esat Kelmendi tha se kanë përpiluar padinë e re në Gjykatën Themelore pët ta kthyer tokën e uzurpuar. Sipas Kelmendit, mosshkuarja e tyre në seancën gjyqësore ka ndodhur pasi Gjykata kishte dërguar ftesën në kohën e protestave dhe se ajo ka mbetur pa u parë nga menaxhmenti. /tesheshi.com/
