Mesazhi i parë i presidentit Erdogan për zgjedhjet ameërikane, nuk ka qenë si ai i shumëkujt nga liderët botërore këto ditë.
Edhe pse mes shumë fërkimeve me Trump, Erdogan nuk është nxituar që t’i urojë fitoren Biden-it, një njeriu që ka shprehur synimin për ta rrëzuar liderin turk nga pushteti, në kushtet kur ai do ishte në krye të Shtëpisë së Bardhë.
Për këtë pretendim, Biden u shpotit nga Trump duke iu përmendur paaftësua dhe pafuqia për ta bërë diçka të tillë, përballë një politikani, siç tha Trump për Erdogan, ndër më inteligjentët që kishte njohur.
Një deklaratë nga Zyra e Komunikimit e Presidencës Turke tha se në një mesazh për Trump, Erdogan uroi që zgjedhjet presidenciale të ishin të dobishme për njerëzit miq dhe aleatë të Shteteve të Bashkuara.
“Pavarësisht se çfarë tregojnë rezultatet zyrtare të zgjedhjeve, unë ju falënderoj për vendosjen e një vizioni të sinqertë dhe të vendosur në katër vitet e fundit të mandatit tuaj që marrëdhëniet turko-amerikane të zhvillohen në bazë të interesave dhe vlerave të përbashkëta. Në kontekstin e interesave tona të përbashkëta, është e nevojshme që ne do të përmirësojmë miqësinë historike, partneritetin dhe marrëdhëniet midis vendeve tona. Unë dua që ju të jeni të sigurt se Turqia do të bëjë çdo përpjekje në këtë fushë në periudhën e ardhshme,” tha Erodgan, duke shtuar:
“Me këtë rast, unë sinqerisht ju falënderoj edhe një herë për miqësinë tuaj të zakonshme të ngrohtë dhe u shpreh urimet e mia të sinqerta për paqe dhe prosperitet popullit të Shteteve të Bashkuara”.
Pra, siç mund të shihet, Erdogan refuzon të konsiderojë Trump-in si humbës në zgjedhje e Biden-in si fitues.
Raportet turko-amerikane në mandatin e parë të Trump kanë qenë tejet interesante. Ai dhe Erdogan, sa janë fërkuar mes njëri-tjetrin, aq dhe kanë ruajtur të pacenuar një raport bashkëpunues.
Kulmi ishte me blerjen nga ana e Turqisë së S 400 nga Rusia, në sfidë të plotë ndaj kundërshtisë amerikane, ndërkohë që Trump tentoi ta godasë financiarisht Turqinë në një operacion për zhvlerësimin e lirës. /tesheshi.com/
