Edi Rama, ka nxjerrë në televizionin e tij ERTV, njeriun kryesor për reformën në drejtësi për t’ju përgjigjur ambasadorit amerikan, Donald Lu.
Kryetari i Komisionit të Ligjeve, Ulsi Majnja deklaroi se kapja e “peshqve të mëdhenj” nuk bëhet me fushata.
Deklarata e Manjës ka ardhur pas qëndrimit të ashpër të ambasadorit të SHBA-së, Donald Lu, që u shpreh i zhgënjyer për mosnisjen e operacionit të madh antikorrupsion.
“Shumica ka krijuar infrastrukturën për të luftuar krimin. Prokuroria dhe policia, e agjenci të tjera janë përgjegjëse. Ne e kemi dhënë vullnetin tonë. Rezultate do të ketë patjetër. Por nuk kapen ‘peshqit’ e mëdhenj dhe të vegjël me fushata, por do të ketë edhe rezultate konkrete.
Nuk besoj që do të vonojnë rezultatet. Institucionet e KLGJ dhe KLP të ngrihen sa më shpejt që të ngrihet SPAK” deklaroi Manja në ekranin e personalizuar të eprorit. /tesheshi.com/
