Aeroporti i Madeiras në Portugali, i cili mban emrin e Cristiano Ronaldos, është një nga pistat më të vështira për t’u ulur kryesisht për shkak të erërave shumë të forta që mbizotërojnë shumicën e ditëve.
Këtë e kanë kuptuar pasagjerët e avionit në videon e mëposhtme teksa pilotit i është dashur të kryejë manovra veçanërisht mjeshtërore në mënyrë që avioni të ulet i sigurt.
https://twitter.com/i/status/1584827898875506694
Aeroporti i Madeiras, i katërti më i ngarkuari në Portugali, është ndër më të famshmit në botë si për kushtet sfiduese për pilotët ashtu edhe për pistën e tij të vlerësuar me çmime.
Madeira ndodhet 400 km në veri të Ishujve Kanarie dhe 520 km në perëndim të Marokut në një pozicion që e bën atë të prekshëm ndaj kushteve të ndryshme klimatike.
Me “pamje” nga Atlantiku, është i prekshëm nga erërat e forta dhe nga dallohet për “zbritjen” nga malet. Nuk është rastësi që në serinë “Aeroportet më ekstreme” të “History Channel” ky aeroport i veçantë është cilësuar si i nënti më i rrezikshmi në botë dhe i treti më i rrezikshmi në Evropë.
Sipas faqeve të specializuara të internetit për çështjet e aviacionit, pilotët që do të fluturojnë drejt dhe nga aeroporti në fjalë, para se të marrin “dritën jeshile” për t’iu afruar “Cristiano Ronaldos” duhet t’i nënshtrohen trajnimit special në simulatorë. /tesheshi.com/
