Edhe zogjtë shtegtarë po shmangin tani Ukrainën dhe zonat e luftës që rrezikojnë jetën e tyre, kanë zbuluar shkencëtarët.
Të dhënat nga pajisjet GPS në shqiponjat tregojnë se ato devijojnë nga kursi i tyre i zakonshëm deri në 250 km. Përveç kësaj, ato bëjnë më pak ndalesa pushimi ose i shmangin ato krejtësisht.
Këto devijime i detyrojnë shqiponjat të udhëtojnë në distanca më të gjata në vendet e tyre të shumimit dhe për këtë arsye shpenzojnë më shumë energji, raporton Guardian.
Ama kjo ka pasoja, pasi ndryshimi i kursit nga ana e tyre ndikon në riprodhimin, sepse e vonon atë, por edhe sepse shqiponjave u duhet më shumë kohë për të marrë forcë. Kjo ndikon në mundësinë e mbijetesës së tyre.
“Është si të të thuash që duhet të vraposh një maratonë pa u ndalur për ujë dhe më pas të të thuhet se duhet të vraposh edhe 10-15 kilometra të tjera”, komenton një nga autorët e studimit të publikuar në Current Biology.
Shkencëtarët studiuan rrjedhën e 19 shqiponjave në mars dhe prill 2022 që fluturonin drejt Bjellorusisë jugore, ku ata zakonisht çiftëzoheshin. Femrat dimërojnë në Greqi dhe meshkujt në Afrikën Lindore, për t’u takuar në atë që tashmë është një qiell i trazuar nga lufta.
Krahasuar me 2018-2021, vitin e luftës, në vitin 2022 femrat kanë fluturuar 85 kilometra më shumë. Njëra madje arriti të fluturonte 250 kilometra më shumë. Udhëtimet e tyre zgjatën mesatarisht dy ditë (55 orë).
Nga ana tjetër, vetëm 32% e meshkujve kaluan në Ukrainë. Disa madje e shmangën tërësisht një pjesë të vendit, pikërisht ato ku u zhvilluan beteja, megjithëse kishte edhe shqiponjat e patrembura, si njëra që fluturoi mbi Kiev, pavarësisht luftimeve që po vazhdonin në qytet, thuhet në studim. /tesheshi.com/
