Byroja Shtetërore e Hetimeve të Ukrainës ka përfunduar një hetim paraprak ndaj politikanit pro-rus Viktor Medvenchuk, i cili akuzohet për tradhti dhe është në gjyq.
Medvenchuk, një nga aleatët më të afërt ukrainas me presidentin rus Vladimir Putin, përballet me 15 vjet burg për akuzat për tradhti dhe krime lufte, sipas një deklarate të postuar në faqen e internetit.
Sipas shërbimit të inteligjencës, Medvenchuk i ka ofruar ndihmë udhëheqjes ruse me “aktivitete subversive” kundër Ukrainës, si për shembull grumbullimi i informacionit për vendndodhjen e njësive ushtarake.
Politikani ukrainas, i cili drejton partinë opozitare Platforma për Jetën, mohon çdo keqbërje. Ai u vendos në arrest shtëpiak vitin e kaluar me akuzën e tradhtisë, por u largua nga shtëpia e tij pas pushtimit rus të Ukrainës më 24 shkurt dhe u arrestua në prill. /tesheshi.com/
