Në fund të vitit të kaluar, televizioni publik rus transmetoi një emision në të cilin një ish-oficer i lartë i ushtrisë ruse ishte i ftuar dhe shpjegoi se si të pushtonte vendet baltike dhe një pjesë të Suedisë.
Emisioni u transmetua vitin e kaluar, por këto ditë Anton Gerashchenko, këshilltar i qeverisë ukrainase, na kujtoi këtë video, transmeton britanikja Sun.
“Skizofrenët planifikojnë të sulmojnë Suedinë dhe vendet baltike. Natyrisht, atyre u ka ‘mbaruar karburanti’ për shkak të sanksioneve,” tha Gerashchenko në Telegram ku postoi një video.
Vendet baltike, Estonia, Letonia dhe Lituania, janë anëtarë të NATO-s. Suedia është neutrale, por vitet e fundit, nga frika e Rusisë, ka rritur ndjeshëm aftësitë e saj ushtarake.
Skenari i pushtimit rus në kanalin televiziv Rossiya 1 u prezantua nga koloneli Igor Korotchenko, ish-anëtar i Shtabit të Përgjithshëm dhe Forcave Ajrore Ruse, aktualisht oficer rezervë, shkruan Sun.
“Ky mund të duket skenari i pushtimit të vendeve baltike,” tha Korotchenko dhe më pas tregoi hartën.
Harta, sipas The Sun, ishte në anglisht. Korotchenko flet fillimisht për një sulm masiv radio-elektronik që do të verbonte radarët e NATO-s.
Më pas ai shpjegoi se si forcat ruse do të zbarkonin në ishullin suedez Gotland, dhe më pas avionët do të sillnin sistemin S400.
Më pas, thotë ai, do të shpallej një zonë ndalim-fluturimi në një zonë të madhe dhe i gjithë Deti Baltik, shton ai, do të ishte nën kontrollin rus. Ai thotë se forcat perëndimore që janë atje do të dorëzoheshin. Skenari përfundon me njohjen e sundimit të Moskës nga vendet baltike dhe Suedia premton neutralitet dhe të drejtën 99-vjeçare të Rusisë për Gotland. /tesheshi.com/
