Fedil Alpatov, ukrainasi i arrestuar së bashku me dy rusë për spiunazh, në ngjarjen e pazakontë të Gramshit, ka kërkuar lirimin nga burgu.
Në ankimimin e tij, Aplatov ka deklaruar se kërkon të shkojë në shkollë, pasi rrezikon të humbasë vitin. Ai kërkon që të lihet në “detyrim paraqitje” dhe jo në burg deri në përfundim të hetimeve.
Ukrainasi dhe dy shtetasit rusë, 33-vjeçarja Svetlana Timofoeva, 23-vjeçari u arrestuan mbrëmjen e së shtunës më 20 gusht pas një incidenti në ish-uzinën ushtarake në Gramsh.
Teksa tentuan të futeshin në uzinë, ata sulmuan me spray neuro-paralizues dy rojet ushtarake shqiptare.
Në dëshminë e tyre, shtetasit e huaj kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.
Tashmë mbi ta rëndon zyrtarisht akuza e “Dhënia e informatave sekrete”, dhe “Sigurimi i informatave”.
Por avokati Saimir Vishaj ka arsyetuar se klienti i tij duhet t’i hiqet arresti me burg.
“Hobi i tij është fotografia sidomos në vendet ish-komuniste që kanë lidhje me bunkerë, repartet ushtarake duke i botuar më pas në rrjete sociale ku kishin edhe grupin e tyre në ketë rrjet. Në Shqipëri ndodhej për pushime ku lekët e skuestruara 6000 $ ia kishte dhënë mamaja e tij Ilona për pushime të cilat fatkeqësisht janë sekuestruar!!!! Tërësisht i pajustifikuar ky arrestim pa asnjë provë dhe pa marrë urdhrin e prokurorit si veprim i ngutshëm për një student!!!Në lidhje me faktin, objekt hetimi i mbrojturi prej meje nuk ka pasur dijeni ne lidhje me ngjarjen. Nuk ka asnjë provë direkte apo indirekte apo dyshim të bazuar në prova që të provoj ekzistencën e klientit tim në këtë vepër penale dhe jo me bashkëpunimin me 2 shtetasit e tjerë”, shkruan avokati shqiptar. /tesheshi.com/
