Ekipi kombëtar i futbollit i Ukrainës ka arritur në finale të kualifikimeve shtesë evropiane për Kupën e Botës 2022, pasi mundi Skocinë 3-1 në një ndeshje gjysmëfinale në Hampden Park në Glasgow.
Ukraina do të luajë kundër Uellsit në Cardiff të dielën për biletën e fundit evropiane në Katar.
Skocezët patën një avantazh të lehtë në fillim të ndeshjes, por mysafirët ishin më të rrezikshëm dhe kaluan në avantazh në minutën e 33-të me golin e Andriy Yarmolenko. Për dushin e ri të ftohtë të skocezëve u kujdes Roman Jaremçuk kur në minutën e 49-të e rriti në 2:0. Skuadra vendase shkurtoi rezultatin në minutën e 79-të, me golin e Callum McGregor. Sulmuesi i Dnipros, Artem Dovbik shënoi golin e fundit të ndeshjes në minutën e katërt të shtesës, duke e çuar rezuiltatin në 3:1 dhe festën ukrainase.
Fituesi i ndeshjes Ukrainë-Uells do të vendoset në Grupin B në Botërorin e Katarit me kombëtaret e Anglisë, Iranit dhe SHBA. Kujtojmë se një pjesëmarrje e Ukrainës në Botërorin e pritshëm të nëntor-dhjetorit, ka dhe një rëndësi politike për Perëndimin në përballje me Rusinë. /tesheshi.com/
