Vijon të mos jetë zyrtare akuza kundër rebelëve pro rusë në Ukrainë, por Holanda nuk ka dyshime për përfshirjen e Rusisë, ose të paktën të një rakete ruse në lidhje me atë që ndodhi gjatë fluturimit të avionit MH17 të kompanisë Malaysia Airlines më 17 qershorin e vitit të kaluar.
Raporti
Sipas një raporti të publikuar ditën e djeshme nga këshilli holandez i sigurisë, Beoingu i kompanisë ajrore aziatike që mbulonte udhëtimit nga Amsterdami në Kuala-Lampur u rrëzua nga një raketë BUK e tipit 9N314M, e prodhuar në Rusi dhe që ishte në dispozicion të forcave të armatosura ruse. Në këtë ngjarje ndërruan jetë 298 persona, me së cilëve 196 qytetarë holandezë.
Raketa ruse
Tipologjia e kësaj rakete lejon aktivizimin e shpërthimit përpara se të arrijë objektivin. Kjo është arsyeja pse sipas kërkimeve, avioni nuk është shkatërruar tërësisht. “Raketa është lëshuar rreth 320 kilometra në lindje të Ukrainës”,- thuhet në komunikatën e autoriteteve holandeze. Ajo ka qenë një zonë, e cila në atë kohë kontrollohej nga separatistët e armatosur pro-rusë, që nuk kanë pasur instrumente të atyre përmasave.
“Sot nuk mund të konfirmojmë nëse avioni është rrëzuar nga një raketë BUK, por me siguri mund të themi se ka qenë një 9M38, e cila është lëshuar nga zona e Zaroschenskoye në Ukrainë”,- ka thënë Mikhail Malyshevsky, këshilltar në Almaz Antey, kompania përgjegjëse për fabrikimin e këtyre raketave./tesheshi.com/
