“Lufta që presidenti rus Vladimir Putin po bën kundër Ukrainës është gjithashtu një luftë kundër unitetit të Evropës”, tha presidenti gjerman Frank-Walter Steinmeier.
“Lufta e Putinit kundër Ukrainës është gjithashtu një luftë kundër unitetit të Evropës. Ne nuk duhet të lejojmë që të ndahemi, nuk duhet të lejojmë që të shkatërrohet projekti i madh i një Evrope të bashkuar që kemi filluar në mënyrë kaq premtuese”, theksoi ai gjatë një fjalimi në Paderborn, në Gjermaninë perëndimore.
“Kjo luftë nuk ka të bëjë vetëm me territorin e Ukrainës, ajo prek themelet e dyfishta të përbashkëta të vlerave tona dhe rendit tonë paqësor të gjërave”, shtoi ai.
Por mbrojtja e këtyre vlerave dhe garantimi i tyre do të thotë gjithashtu se ne jemi gati të “pranojmë disavantazhe të rëndësishme”, theksoi presidenti gjerman, pa elaboruar se cila janë këto disavantazhe.
“A jemi gati për këtë? Të gjithë jemi përballur me këtë pyetje sot dhe në ditët, javët dhe muajt në vijim”, tha ai, duke lënë të nënkuptuar sfida shumë më të mëdha në të ardhmen e afërt.
“Rusia nuk kufizohet vetëm në vënien në pikëpyetje të kufijve, nuk kufizohet në pushtimin e territoreve të një shteti fqinj të pavarur dhe sovran, madje do të shkojë aq larg sa të vërë në dyshim shtetësinë e Ukrainës”, theksoi ai. /tesheshi.com/
