Ish-ambasadori i OSBE-së në Kosovë në kohën e luftës, Uilliam Uoker, i cili tregoi para botës krimin ndaj njerëzimit që Serbia bëri ndaj kosovarëve të fshatit Reçak të Shtimes, në përvjetorin e 19-tës të kësaj masakre është shprehur kritik për udhëheqësit e Kosovës, të cilët ka thënë se ka vetëm tre vjetët e fundit që shkojnë atje për të nderuar 45 martirët e rënë.
“Sa herë që jam këtu ka një mikpritje të veçantë për mua, për çdo përvjetor. Kam vërejtur vetëm tre vjet më parë, që ka ndodhur që pushteti ka nderuar Reçakun, duke ardhur këtu në emër të krejt Kosovës”, ka thënë ai.
Uoker më tej ka thënë se do të bëjë gjithçka për të ardhur në çdo përvjetor për aq sa do të jetojë.
“E kam kaluar jetën duke udhëtuar gjithë botën. Dua të jem me shqiptarët sa më shumë që të kem mundësi. Kam për të ju thënë se nga janari 15 janari 1999 kam bërë shumë miq, por nuk ka më të rëndësishëm për mua se sa fshatarët e Reçakut”, ka thënë Walker. Është dëshpëruese, pasi këta njerëz nuk e kanë dhënë jetën e tyre për të parë Kosovën, aty ku është tash”, ka deklaruar Uoker, duke shtuar se të rënët e Reçakut nuk e kanë dhënë jetën për Kosovën që është tani. /tesheshi.com/
