UEFA, një thirrje anti-avion

Federata Evropiane e Futbollit (UEFA) po inkurajon ekipet kombëtare që do të performojnë në Kampionatin Evropian të ardhshëm, i cili do të mbahet në Gjermani në vitin 2024, të udhëtojnë në ndeshjet e fazës së grupeve me autobus ose tren në vend të avionit për të reduktuar emetimi i gazrave të dëmshëm.

Gjithashtu, tifozëve do t’u ofrohen çmime me zbritje për biletat e trenit dhe transport publik falas.

UEFA dëshiron që Euroja e ardhshme të jetë “kampionati evropian më i qëndrueshëm i të gjitha kohërave”, duke kujtuar sesi garat e fazës së grupeve janë të shpërndara nëpër rajone për të lehtësuar udhëtimin tokësor, raportoi BBC.

Udhëtimi me hekurudhë ose rrugë, më i lirë

Duke djegur karburant, fluturimet me aeroplan prodhojnë dioksid karboni dhe kontribuojnë në ndryshimet klimatike, prandaj UEFA shpreson të bindë ekipet kombëtare që të mos përdorin fluturime me distanca të shkurtra gjatë fazës së grupeve.

UEFA do t’i ndajë ndeshjet në tre rajone në veri, perëndim dhe jug të vendit, që do të thotë se udhëtimi me hekurudhë ose rrugë do të jetë më i përshtatshëm. Kjo mund të ndryshojë nëse ekipet kombëtare kalojnë në fazën eliminatore dhe ato lojëra luhen në anën tjetër të Gjermanisë. /tesheshi.com/