Në kulmin e një “dashurie armësh” ndërmjet Beogradit dhe Moskës, SHBA dërgon në Serbi ambasadorin e ri, që do të jetë Kyle Scott, një nga ekspertët më të mirë për Rusinë dhe botën sllave.
Scott, i diplomuar në Universitetin e Arizona-s do të zëvendësojë Michael Kirby-n, mandati i të cilit mbaron në fund të këtij muaji.
Scott ka studiuar për gjuhë dhe letërsi gjermane, por mësoi gjithashtu herët gjuhën ruse, pikërisht në kohën kur iu fut studimeve për ekonomi dhe financë.
Pasi hyri në Departamentin e Shtetit, për herë të parë u emërua në Kroaci, më pas në Izrael dhe Zvicër, por në 1994-ën la diplomacinë për t’u marrë me sigurinë kombëtare në Universitetin Stanford, përkatësisht në Institutin Hoover.
Dy vjet më pas u emërua këshilltar politik në ambasadën e madhe të SHBA-së në Moskë.
Në vitin 1999 ai u emërua në të njëjtin post në Budapest, Hungari.
Në vitin 2003 Scott lëvizin në Bruksel pasi u emërua përfaqësues i SHBA-së në BE.
Ndërkaq, në vitin 2005 ai u bë zv/shef i misionit amerikan në OSBE në Vjenë.
Por në vitin 2009 Scott u emërua drejtor i Marrëdhënieve me Rusinë, me të cilën SHBA negocoi çështjen delikate të lëndëve bërthamore me Iranin.
Nga viti 2011 Scott shërben si konsull i përgjithshëm i SHBA-së në Milano, Itali.
Vetëm tre vjet më pas ai u emërua si përfaqësues i lartë i Fondit gjerman “Marshall”
Në CV-në e tij thuhet se flet rusisht, gjermanisht, italisht, kroatisht, hungarisht dhe frëngjisht.
Marrë nga B92-/tesheshi.com/
