Eshtrat e Ahmet Krasniqit, ish-ministri i parë i Mbrojtjes së Kosovës në kushte lufte, si dhe të Qazim Jakupit, bashkëpunëtor i tij, tashmë do të prehen në tokën amë, në Kosovë.
Rivarrimi i tyre është kryer në varrezat e dëshmorëve në Prishtinë në vazhdën e homazheve të organizuara në Kuvend.
Qeveria e Kosovës e mori kohë më parë vendimin për kthimin e eshtrave në vendlindje.
Krasniqi u ekzekutua 21 shtatorin e vitit 1998 në Tiranë, në një atentat të pazbardhur, por të aluduar si dorë e shërbimeve serbe.
Presidenti Thaçi tha se kolonel Krasniqi bëri mobilizimin e të gjithëve për luftën që do vinte më pas.
“Rruga e lirisë ju kërkoi, sot iu kthyet Kosovës së lirë. Lavdi”, ishin fjalët e zgjedhura nga kryeministri Haradinaj. /tesheshi.com/
