Flora Brovina, deputetja më e vjetër kosovare siç duke assesi nuk po mund të harrojë fyerjet që ia kanë bërë bashkëpartiakët e saj, Adem Grabovci e Bekim Haxhiu, në përgjimet “Pronto”, duke u quajtur prej tyre “idiote”.
Duke parë se gjuha degraduese ka kapluar institucionin ligjvënës, dhe se deputetë të të gjitha partive përdorin gjuhë rruge, ndërsa do duhej të ishin shembull për qytetarët, ajo në seancën e së enjtes në parlamentin kosovar ka kërkuar një konsensus në mes partive politike.
Në cilësinë e Ambasadores së Paqes, Brovina ka propozuar që të ndryshohet gjuha e përdorur në mes kundërshtarëve politikë në vend, si dhe të formohet një grupi jo-formal i deputetëve të cilët do të inicionin një debat të brendshëm politik.
“Kjo kërkon një mirëkuptim dhe qasje serioze, kërkon dashuri ndaj vendit tonë për të kaluar ambiciet personale ose grupore. Gjuha e përdorur është fyese dhe jashtë traditës tonë”, u shpreh Brovina.
Mbetet të shihet nëse do përkrahet iniciativa e deputetes së PDK-së, apo askush nuk do e çajë kokën për apelin saj dhe gjuha fyese e degraduese do vazhdojë sërish të mbetet prezente dhe e pandëshkuar.
Pas publikimit të fyerjeve, më saktësisht etikietimit “idiote” të saj, në shenjë proteste në një séance Brovina u ul tek deputetët e pavarur, por që më pas u rikthye në vendin e saj tek ulëset e PDK-së.
Për fyerjen që ju bë Brovinës heshtën bashkëpartiakët e saj nga PDK-ja duke ia mbajtur “anën” kështu Grabovcit e Haxhiut. /tesheshi.com/
