Pas dy vitesh ankth dhe mundime, më në fund kanë arritur të gjejnë sërish buzëqeshjen. Një familje siriane humbi fëmijën e saj të vogël, 8-vjeçaren Amal Ismail gjatë një bombardimi, i cili shkatërroi shtëpinë e tyre.
Familja u detyrua të arratisej por vajza e vogël ngeli në mes të një konflikti me armë në qytetin Nawa.
Nëna mendonte se vajza ishte me të atin, ndërsa babai mendonte se vajza kishte qenë me të ëmën.
Ata u takuan në një tjetër fshat, rastësisht kur edhe zbuluan se vajza e tyre e vogël nuk ishte me asnjërin prej tyre. Vajzën e vogël kishte arritur ta shpëtonte një mike e familjes, e cila e kishte mbajtur dhe ishte kujdesur për të.
Falë ndërhyrjes së IOM “Organizatës Ndërkombëtare të Migracionit”, prindërit arritën të gjenin të bijën.
Ritakimi u bë në Qipro, ku burrë e grua kishin gjetur strehim bashkë me dy vajzat: e madhja me probleme të ecjes dhe më e vogla, 18 muajshe. /tesheshi.com/
